Black Friday 黑色星期五: 睇住張信用卡呀!

雖然香港無乜感恩節嘅活動,但周圍都可以見到「黑色星期五」 (Black Friday) 同「網購星期一」(Cyber Monday) 嘅大減價宣傳,疫情後大家冇得去旅行,好多外國電商索性推出全球大減價、免運費吸引大家塞滿購物車,不過大家要留意:

減價?係咪真㗎?

如果你係見到「低至三折/一折」就衝去買嘅人,我哋建議你停一停諗一諗,因為曾經有人踢爆好多過季款式其實一早已經減緊價,如果對商品原價同季尾特價唔係好清楚嘅話,好容易被誤導,所謂嘅折扣可能只係減少少,問一問自己係「想要」同「需要」,定係只係見「平」就入貨。

睇住張信用卡

好多時網上減價都有限時特價,好多人為咗減價商品仲會登記做新會員,然後「唔執輸」每間店都買幾件,究竟你係咪被「限時」兩隻字吸引而買?Black Friday 喺11月尾,好多時都過咗信用卡截數日,由爆買到拎到件貨時,當然好開心,因為未需要找卡數住,但下個月就⋯⋯

大家買嘢時要審視下自己還款能力,好多爭大量卡數嘅人都係因為買咗好多自以為好抵嘅商品而引起,信用卡嘅利息係以複息計算,真係會越滾越大。

比較購物Offer同信用卡優惠

如果真係好想把握機會喺「五黑」買下嘢,希望大家花少少時間比較下,例如同一款名牌手袋會喺 Net-A-Porter, 24s, The Outnet, My Theresa, Selfridges 等網絡平台有售,不妨格下價。有啲信用卡提供指定網店消費回贈,咁大家睇清楚條款 ,回贈會否不適用於減價貨品,如果冇回贈嘅話會唔會揀張儲分最多嘅卡喺黑色星期五用呢?總之每樣嘢都要比較下,格到最抵先買。

五黑購買網上工具增加競爭力

最近見到網民問有冇啲網上工具會推出五黑優惠,呢個我哋好支持大家去留意下,例如設計用嘅Photoshop 或圖庫,好多時都會有優惠,呢啲工具唔單止係每日常用嘅項目,可以增加生產力同競爭力,仲可以幫到做開Freelance嘅人慳返唔少!不過大家留意相關工具嘅訂閱時期同取消嘅方法,因為優惠多數只限一年。

審慎理財,睇住自己張信用卡,希望大家今日會買到心頭好!

真係駛大咗要清卡數,可以考慮分期貸款,請即下載MONEY PLAZA 金錢廣場 比較下各種貸款方案,過程完全免費,亦唔會影響信貸評級: