港人每月儲$6600, 你又儲唔儲到?存保會2021年研究

早前香港存款保障委員會存保會)發表嘅2021年儲蓄調查提到,約62%港人有儲蓄習慣,每人每月平均儲6600元,較舊年統計平均每月儲$7000少5%,係4年以嚟最低, 睇嚟大部份人都手緊咗!

每月平均儲蓄6600元

存款保障委員會存保會)於2021年9月1至21日期間,以電話訪問咗1006位18歲或以上嘅香港人。有62%人表示有儲蓄習慣,每人每月平均儲6600元,較舊年統計平均每月儲$7000少5%,係4年以嚟最低, 睇嚟大部份人都手緊咗,當中只有約20%人會定下儲蓄目標。

儲蓄的安全感及儲蓄額比往年低

港人對自己儲蓄的安全感評分是53.2分,受訪者平均認為要有49萬儲蓄,先夠應付未來一年嘅生活,同舊年50萬差唔多,但比2018及19年認為要有70多萬先夠就顯著喊少。

儲蓄方式及財富增值

喺儲蓄方式方面,銀行存款仍係受訪者首選嘅儲蓄方法,包括定期存款和活期存款,約佔72%, 其次係投資與購買儲蓄保險等。

已婚人士儲多三成

調查亦特別就301名已婚人士作深入研究,發現佢哋更積極儲錢,每人每月平均儲8600元,佢哋認為要有67萬儲蓄先有足夠安全感,有三成結咗婚嘅人會同另一半定立共同儲蓄目標,最多人表示是夫婦各儲一半,亦有四分一人表示丈夫儲蓄佔7成或以上,有7%表示由丈夫負責全部儲蓄。

你估我唔想儲錢咩

至於有近4成受訪人唔願意儲蓄,主要原因係「沒有收入」、「收入太少」同「入不敷支」。

儲蓄係金錢管理其中一項非常重要嘅課題,如果冇足夠嘅儲蓄應付突如其來嘅使費或生活改變 (裁員/減薪、意外),可以參考MONEY PLAZA手機App內嘅貸款比較,解決當前問題,再好好計劃每月還款同儲蓄比例。