2022年迎虎年: 利是冷知識-要封幾多錢利是?

虎年將至,呢排除咗收爐、辦年貨,準備好利是封同利是錢過年未呢?未結婚收利是嘅一群,都要留意下關於利是嘅冷知識!

利是的由來

「利是」又稱紅包、紅封包、壓歲錢、利事、利巿、勵事,都係好意頭、大吉大利、生意興隆嘅意思。利是封始於唐代,宮廷用手工織造嘅布袋,喺紅色紙上面寫上祝福字句封入去 (唔係錢⋯⋯),送俾相熟嘅朋友親友,直至清朝,利是封先正式開始喺春節賀歲時用,香港嘅銀行就會發行新鈔俾大家入利是用,象徵新一年有新開始。

利是封有價有巿?

好多人認為利是封唔駛買,一定會有人派,Well⋯⋯除咗部分屋苑會免費派發之外,好多時各大品牌或商場都會以特別版利是封去刺激消費,亦有人會特登去買利是封,例如百家姓嘅利是封,每年都會好搶手 (尤其係老闆級最鍾意用附有姓氏嘅利是封),年青夫婚又會鍾意設計有心意或卡通人物嘅利是封,小朋友收到得意嘅利是封都會開心啲。

另外,奢侈品牌同利銀行嘅利是封每年嘅推出都非常矚目,未能以消費或成為客戶嘅,甚至會去二手或買賣平台去購買,2022年《彭博》統計咗二手如 Facebook Marketplace 、 Carousell 等香港二手買賣平台,並分析平均每個利是封價格,發現瑞銀(UBS)嘅利是封最受歡迎的,價格高達10元一個,跟住就係是瑞信(Credit Suisse),平均價格為每封6.2元;第三位是摩根士丹利(Morgan Stanley),平均每封為5.9元,而名店如Louis Vuitton、Gucci、YSL 等利是封亦非常收歡迎 。

封幾多錢利是?

一般結咗婚嘅香港人都會喺正月初一至十五期間派利是,傳統新婚新一年仲要派雙封!有啲未結婚嘅,例如做部門主管嘅呀哥呀姐都會派利是,新年期間亦會袋定一啲利是俾下大廈嘅保安同有需要嘅人,如果有朋友帶咗新年賀禮過去你屋企,亦記得要俾返封利是佢。

同去結婚俾人情一樣,封幾多錢利是都係一大難題,2021年11月香港研究協會訪問咗1,163名15市民,會派利是嘅受訪者中,有25%預計封利是的總金額會較少,反映市民今年封利是仍偏向手緊。50%人表示平均每封利是嘅金額為20元、8%人派100元、20%表示會派50元利是,金額大細亦會有親疏之別,用唔同嘅利是封幫手

疫情之下,見面嘅機會少咗,研究指87%嘅人會用新興以電子錢包發放電子利是,例如AliPay,PayMe,WeChat Pay都有呢新春利是派發嘅活動。

拜年都要打聽八卦?

去人哋屋企拜年之前記得要留意,如果咁啱遇到屋企有白事,就唔好去人哋屋企拜年同唔好派利是,如果係對方有白事,雖然可以照去,但都要打聽下人哋意願。疫情期間,亦會留意到訪嘅朋友樓宇安排,遵守防疫。

另外,有啲公司嘅同事會流行團拜,但留意返,咁做有機會會遇到尷尬嘅情況: 有啲即使結咗婚但選擇唔派利是、有啲係最近離咗婚、即有啲外國人唔想入鄉隨俗唔想派,所以喺公司都要打聽下八卦下先好行動去拜年逗利是,建議大家有禮貌地互相講聲新年快樂,如果對方想派利是自然會派俾你。

從小培養儲蓄好習慣

利是錢一般會喺初十五拆,為人父母喺派利是之餘,不妨同時教育子女有關儲蓄嘅觀念,將啲利是儲起,亦可由細教下佢哋點樣管理佢哋嘅錢,甚至開個銀行戶口儲起佢,以備不時之需。

MONEY PLAZA虎年WhatsApp Stocker可以喺呢度下載,祝大家虎年大豐收!「虎進金來」!